Tilstandsrapporten
Den årlege tilstandsrapporten frå SIU gjev eit bilete av internasjonaliseringsarbeidet ved norske universitet og høgskolar i året som har gått.
Tilstandsrapporten gjev auka kunnskap om arbeidet som går føre seg innan dette feltet både om og for den norske utdanningssektoren. Rapporten gjev også styringsinformasjon for Kunnskapsdepartementet om internasjonaliseringsarbeidet på universitet og høgskolar.
I tilstandsrapporten vert det i hovudsak nytta data frå dei ulike programma SIU forvaltar. Datamaterialet vert brukt til å vise institusjonane og fagmiljøa si deltaking i dei ulike programma, som har ulike tematiske og geografiske satsingsområde. I tillegg tek tilstandsrapporten frå år til år sikte på å kartleggje internasjonalisering innanfor ulike fagretningar, i hovudsak basert på kvalitative data.
I rapporten for 2009 vart det gjort ein gjennomgang av internasjonalisering innanfor allmennlærarutdanninga. Målet var å samle inn data om internasjonalt samarbeid om kurs og studieprogram, og slik kunne seie noko om status for internasjonaliseringsarbeidet utover rein mobilitet.